Sheekh Shariif Sheekh Axmed ayaa loo doortay kursiga tirsigiisu yahay HOP#146 ee Golaha Shacabka Baarlamaanka Federaalka Soomaaliya oo doorashadiisa maanta ka qabsoontay magaalada Jowhar ee caasimadda dowlad goboleedla Hirshabeelle.
Kursiga Sheekh Shariif qaatay waxaa muddo ka taagnaa loolan adag oo u dhexeeyay beelaha kursigaas wadaaga, taas oo sababtay in doorashada kursigan dib u dhacdo.
Kursiga waxaa muddo ku fadhiyay xildhibaan u dhashay beesha Agoonyar ee Harti Abgaal, uuna ka dhashay Madaxweynihii hore ee Soomaaliya Sheekh Shariif Sheekh Axmed. Waxaa beesha Sheekh Shariif kursiga ku haystay laba beelood — Habar Nugaal iyo Cabdalla Carooni — oo iyagana Harti Abgaal ah abtirsiinyo ahaan.
Balse waxay ugu dambeyn isku afgarteen in kursigaas la siiyo Shariif Sheekh Axmed oo ka mid ah musharaxiinta ugu cad cad doorashada madaxtinimada Soomaaliya.